Calcio: sorde, viulenza e belene:
troppa gente c’affligge e  c’accrasta.
Ma a ghì annanz’accussì, ce cunviene?
Che aspettammo pe’ dicere basta?

Chesta storia ‘a vivettemo già;
‘a vivimmo piriodicamente.
Tutti gridano: s’adda cagnà,
epperò poi nun cagna maje niente.
Pe tre ghiuorne alluccammo, ‘ncazzate:
“chistu munno dorato fa schifo!”,
ma già ‘o quarto ce simme scurdate,
e turnammo da capo a fà ‘o tifo.

Per la storia: fuje nuosto, ‘o Cuppone,
e Montella a Benitez s’inchina.
Della Valle va dint’o pallone:
ce dispiace pe te, Fiorentina!

Tutte contr’a Gennaro ‘a Carogna,
e Agostino, “er coatto” romano;
chi ‘e sunasse comm’a na zampogna,
chi ‘e vulesse nu poco p’e mane….