NAPOLI-SPAL 1-0
18-02-18 - categoria Poesie in Napoletano 2017-2018Fa’ na rete sulamente
nun ce ‘mport’o rest’e niente.
Rischie? Zero, tiene mente…
Chesta squadra ferrarese
(ma pecchè se chiamma SPAL?)
si jucava n’atu mese
nun riusceva ‘a ce fa mal.
Dopp’o gol capolavoro
certo asciuto ‘a int’a nu schema,
se so’ fatte ‘e fatte loro,
senza darce nu problema…
Nun facimmo grandi cose,
comme spisso, int’a chest’anno.
Ma sti sciure songo rose:
e pe chesto, fioriranno!
