Fa buio chiù ampressa
senz’ora legale,
e capit’o stesso
alla classe arbitrale.

L’errore so’ tante,
e in quest’occasione
va sempe chiù avante
‘a Juve campione.

Fra tronole e lampe
l’azzurro nun molla,
e’o Chievo nu’ scampe:
resiste, e po’crolla.

‘O muscolo è stanco,
Cavani s’inchina.
‘A forza le manca;
nu stacca la spina

all’anno passate.
Stu Pandev, chi ‘o vò?
Sta ‘nterra nchiummate,
ch’erè? Nu cummò…

Chill’ato, ‘o cileno,
che brutta serata!
Nun corre nemmeno:
na Varga s/curdata.

‘A Juve è a tre punte:
ce serve na punta
o stamme distante.
Aurelio, un’aggiunta!