E’ ‘o vero: so fetiente, ‘e rossonere.
‘E cauce d’Ambrosini e di Gattuso
hanno messo gli azzurri fuori uso,
chiù d’uno ‘e lloro c’ha rimess’o pere.

E vulimmo parlà ‘e chillu rigore?
So turnate addereto, l’orologgi,
‘e tiempe di Giraudo e di Moggi.
Arbitro? No, chist’è nu servitore!

E’ giusto, ca c’avimma allamentà
e comme Rocchi l’ha cacciato,  a Maggio.
Però tenimm’a mente: dice ’o saggio:
“Tiene na scusa bona? Nun l’usà!”

‘A verità: sta squadra fuje distante
d’o Napoli energetico e vugliuso
‘e primma: chiuso a riccio, pauruso,
restava fermo là, nun ghieva annante.

Sarrà stata ‘a paura di sbaglià,
ma avimmo persa un’ottima occasione.
Stu Milan è mediocre (qua squadrone!),
pirciò, peccato: se puteva fà.

Ronaldinho ha accucchiato poco e niente,
e a Santacroce le struppiaje na gamba.
(Autorete: e te miette abballà ‘a samba?!
Che rir’a fà? Fatt’aggiustà sti diente!)

Va buò. Fuje na sconfitta, e no nu dramma.
Pe’ loro, un arbitraggio di favore,
ma pure nuje ‘e facettemo, l’errore:
che se fa, se va a chiagnere d’a mamma?

P’e fà dicere: “’E solite terrone!
Sò semp’e stesse, niente di diverso:
spaccano ‘o munno, e doppo c’hanno perso
né, sulamente a chiagnere, so’ buone!”