‘O primmo tocco affascina,
però ‘o siconno strega:
primma Insigne, po’ Mertens,
e ‘o Benevento annega.
C’aveva dato ncuollo
cu forza e cu scaltrezza,
ma è logico: al finale
a vencere è ‘a bellezza!
Contr’o Sassuolo, muscio,
‘a Juve ne fa sette:
tre songo d’o Pipita,
(c’a palla se n’ascette):
è bello, nuun’è overo,
signà sul quatt’a zero?Difficile, a stà areto,
pe chi nun c’è abituato:
na granna nuvità,
nu taglio c’o passato.
Se sape, ‘o ciuccio raglia:
ma ‘a zebbra, niente fa!
Se levasse ‘o pigiama,
se jesse a corecà!