‘O cugnomme? Pairetto.
‘A sezione? Nichelino,
ca me pare (l’aggio letto),
sta in provincia di Torino…

Tu si’ o figlio ‘e Pierluigi,
‘a giacchetta torinese!
Dopp’o sole, i giorni grigi,
dopp’e lussi, pav’e spese;

cundannato anche in appello,
pe li trastule cu Moggi,
ca faceva ‘o brutto e ‘o bello,
prumettenno aiuti, e appoggi.

Pe bia toja, Luca Pairetto,
senz’a VAR, quanti dolori!
Tu già stive sul dischetto,
mentr’o fallo inizia fuori…

Honni soit qui mal y pense:
mal’a me, si penzo male,
ma ‘o passato basta, e avanze:
doje maruzze, tale e quale…

Detto chesto: p’a difesa
sì centrale, Khalidou.
‘O dicimmo senz’offesa
pe’ nisciuno: meglio tu!

Chiriches, isso: ‘o rumeno,
l’ha sfiorata, la Cassata:
ne putessemo fà a meno…
Na difesa pezzottata

ce po’ dà nu sacc’e guaje.
Sarri, vire ‘e te ‘mparà:
senza Khouly, e senza Hysaj,
chistu Napule addo và?

Mò c’avimma cuncentrà:
miercurì sta ‘o Manchester.
Comme avessema juca?
Core in alto, e palle ‘nterr!