Quatto vote jammo sotto:
ogne vota po’ vencimmo.
A ragione ‘e chistu fatto
si ce stà, nunn’a sapimmo.

Cu na squadra un po’ più forte
‘a rimonta nunn’è certa…
‘E chiurimmo, chesti porte?
’A partita resta aperta

finchè Ciro segn’o pari.
Po’ se sentono ‘e sunà
sulo ‘e nuoste Stradivari:
e stu Genoa, a guardà.

Ma succere n’imprevisto:
se rallenta il nostro impegno,
e tal Izzo (ma chi è, chisto??)
cu nu tuffo arriva a segno.

Palla a centro: è doje a tre.
(E tu sì napulitano?
Giuvinotto, attent’ a te,
se ci tiene a restà sano…)

‘A vittoria era sicura,
e mò torna in discussione.
Lapadula (i che paura!)
nunn’o ngarra, quel pallone…

Po’ se vence, grazie a dio:
ma n’incontro dominato,
a ‘o rischià, Napule mio……
‘I t’avessa strafucato!