“I ragli’ cà”: si chesto è l’anagramma,
Cagliari, nun te può meraviglià:
nun ne può certamente fa nu dramma,
si stu Napule te fa ‘ntussecà.

Poche minute, e già te si’ nguaiato:
nu scambio stritto con il granne Ciro,
e ‘o Marekiaro nuosto s’è scetato:
‘a mette in porta cu nu bellu tiro.

Né Cagliari, nun c’e capito niente:
della scunfitta già siente l’addore.
Svelto comm’a nu falco (o nu serpente…)
Mertens vene, e se piglia nu rigore.

Nun c’è tensione, pecchè manc’a lotta:
int’o burdello (‘o pubblico è festante)
segna Koulibaly: mò a Forerotta
difenne, e segna pure, stu gigante!

Mò ce ne jammo ‘a casa: ce stà ‘a sosta,
pe bbia ‘e chella munnezza ‘e naziunale.
C’a Roma sarrà certo assai chiù tosta,
ma jucann accussì, ‘a facimmo male!