Bologna la Grassa
c’ha miso alle corde:
si nun ce sfracassa,
si abbaia e nun morde

è colpa ‘e nu legno.
Che tiro, marò…
So’ Verdi (è nu segno!)
‘e surece: o no?

‘E truppe d’Amleto
(‘o trainer triste)
so chiù che discrete:
c’attaccano (‘e viste),

ma spenneno troppo,
e pavano (e già:
doje tiempe al galoppo
nisciuno ‘e po’ fà…)Pe chesto signammo
(ma sbaglia ‘a difesa).
Ok: dilagammo,
ma ‘a spia resta accesa:

si latita ‘o gioco
guagliò, ve saluto:
‘o Napule (oi lloco)
fernesce battuto!