Ncopp’o biglietto ‘e chesta vita ‘ngrata
sta scritto (assiem’o prezzo…): SULO ANDATA.
Guagliò, nun t’o scurdà: niente ritorno.
Areto nun se và, manco nu juorno.

‘O campionato, invece, torna sempe.
Mò vene a ‘austo: tanno era a settempre,
s’arripresenta, riposato, e intero:
e ripartimmo tutti dallo zero.

Quanno s’inizzia, nunn’è ancora tardi
pe’sunna: c’ho diceva Leopardi
cu chillo: ‘o venditore di almanacchi,
che a capodanno ne venneva a pacchi.

Sì, chi nun salta juventino è:
ma nun putesse capitare che
chest’anno salta pure la Signora?
Sette scudette nun l’ha vinte ancora

nisciuno, ‘e fila, almeno ‘a chesti parte.
Chesto nunn’è nu modo p’augurarte
Juventus, ogne tipo di malanno:
ma la crisetta d’o settimo anno??

Invece ‘e t’appuntà ‘ncopp a stu pietto
‘o centesimo, inutile scudetto,
vire ‘e vencere ‘a Chanpions! E’ normale
ca tutte ll’anne pierde sta finale??