Atalanta, c’e pruvato
a ‘ngujarce sta serata.
‘O vantaggio l’e truvato,
po’ pigliaste na paliata.

‘O ssaje buono: nel passato
certamente avisse vinto,
ma ‘o vangelo s’è avutato:
chistu gruppo è chiù cunvinto,

e i ricambie songo assaje.
Male Marek? Ce po’ stà…
Allan nunn’a sbaglia maje,
na partita: è ‘a verità.

Comme c’a puteva fà,
chesta povera Atalanta?
Nuje tenimm’e qualità!
Mertens è na mano santa,

no: nu pere…fa paura
quanno abballa c’o pallone.
E si ‘a notte pare scura,
clic: appiccia ‘o solleone!