Se sape, ‘o tiempo fuje, e nun s’arresta:
dicimm’a verità, corre parecchio.
Doppo c’aggio parlato ‘e chesta festa,
‘e poco, sì: però so’ già chiù viecchio.

Se joca ‘e pomeriggio, no di sera,
e ‘o tifo è caluruso anche in tribuna;
se rispira na bella atmosfera.
Ncopp’o campo, de squadra ce n’è una:

una soltanto. ‘O risultato è scritto,
e Mertens l’ha firmato in doje minuti.
‘O stadio esulta, mica se sta zitto.
Rastè, chest’è: baibai, tanti saluti!
Siconne, sule, sulo na jurnata…
Ce tenta, ‘o Milan, ma fernesce in fieto,
pecchè ‘a Roma l’ha fatto na paliata
e n’ata vota ce ribbutta areto.

Vabbuò. Nuje cuntinuammo a nce pruvà,
tifannno Juve: c’anna aiutà lloro).
Vire nu poco che ce tocca ‘e fà…
Intanto, jammo a vencere c’o Toro!