Napule, tu l’illudi/ludi-nese,
ca penza: “Forse pozzo pariggià…”
E invece nun ce sta nienterafà,
pecchè sti tre pappine se l’a prese.

Pe’ tutt’o primmo tiempo, in fede mia,
sta squadra nosta nun se po’ capì:
chest’Udinese fa comm’a Houdinì,
e ce nasconn’a porta, pe magia.

‘A  partita è bloccata, pare in stallo:
ma ‘o ciuccio vò scappà fora d’a stalla.
Jorginho lancia Mertens: granna palla,
tiro immediato, rete! Gol da sballo…

L’Udinese nun cagna atteggiamento,
ma la partita, è loggico, è cagnata:
‘o pigliano nu palo, cu Zapata (!),
ma mò il Napoli vola comm’o viento.

‘A manovra è veloce e organizzata,
e se vere, la granna differenza:
Allan segna de raggia e de putenza,
e di fatto, ‘a partita è terminata.

C’è ancora spazio pe nu gol ‘e Calle:
‘pari d’a Roma contro all’Atalanta.
Comme fernesce? ‘O sanno tuttequante:
nuje siconne, no vuje: fora d’e p…e!