‘O sapimmo, l’aspetto d’o grifone:
capa d’aquila e cuorpo da lione,
na mescolanza ‘e cirivella e forza.
Mo’ stu Genoa pare na scamorza,
ma s’adda ricurdà ca nel passato
na vrancata ‘e scudette ha conquistato.
‘O Napule è distratto: parte chiano,
comme si nun levasse ‘o freno  a mano. Nun ce vò n’aquila, a capì ‘o pecchè:
a ‘e nuoste già le pare de vedè
invece ‘e sti modeste genoane,
‘e merenghe: ‘e guagliune de Zidane.
Già se sentono pronti al Grande Evento:
miercurì, in campo, contr’a squadra ‘e Gento,
‘e Puskas,  ‘e Di Stefano: l’Alfredo
ca ll’avversarie s’e faceva ‘o spiedo.
Tra loro e nuje ce sta nu granne scarto:
nuje nun sapimmo che cos’è nu quarto,
mentr’o Real Madrid, squadra stellata,
sta Coppa unnece vote già l’ha aizata….
‘E sogne, dice ‘o saggio, anna avè spago:
tra poco, dint’a bolgia d’o Santiago
Bernabeu, te diranno tu chi si’,
Napule: si sì vivo, o s’ea murì!