C’abbasta nu murzillo de partita,
pe capì chello ca succedarrà:
chi fa sultanto chesto, da na vita,
ce mette nu siconno, all’afferrà.

Si nuje centrammo subbeto  ‘o bersaglio
nun facimmo fatica chiù de tanto:
se invece ce ricapita n’incaglio,
sarrà na sera tragica: nu chianto.

Puttroppo è la siconna, ca succere.
Veloci e organizzate, ‘e blucerchiate,
mentr’o Napule in campo nun se vere:
‘e nuoste è comme fossen’ingessate.

Allan, stu nomme è tutto nu programma:
ed è “Allan/memammeta”, in esteso.
No, nun vulimmo offennere a tua mamma,
ma a te: si’ addeventato un grosso peso.
Sbaglia passagge pure Marekiaro,
ne fa ‘e tutte manere: crure, e cotte.
Quanno in campo se stuta il nostro faro,
allora sì, c’overamente è notte!

Alla fine ce tocca di vedere
chello can nun vulimmo vedè maje,
e ca ce fa nu granne dispiacere:
pe’ dint’a porta nosta, segna Hysaj!

E mò s’è cumplicata, ‘a situazzione.
Né, difensori, quanto scarsi siete!
Diceva Pirandello (‘o cervellone):
“Sei personaggi in cerca di autorete”.

Ncopp’o stadio Sa Paolo cal’o gelo
(ca però, s’adda dì, nce steva già…)
Chiù tarde, c’a cavammo pe nu pelo:
sarrà Tonelli, ca ce salvarrà.

Pe’sei mise ‘o tenetten’annascuso:
mò ch’è venuto vierno, s’è scetato.
Nè Sarri, mò t’o dico a brutto muso:
si Tonelli nun gioca, è nu peccato!

Valid XHTML 1.0 Transitional Valid CSS!