NAPOLI-PESCARA 3-1
15-01-17 - categoria Poesie in napoletano 2016-2017Tengo paura (amici, me crerite?)
ca stesseno arrivanno tiemp’amari:
è’ nu fatto, ca già so’ tre partite
ca rialammo un tempo all’avversari.
‘E viola, in dono avetteno ‘o siconno:
doppo nu primmo tiempo de controllo,
‘o Napule cadette dint’o suonno.
Po’ Gabbiadini c’ha salvat ’o collo.
Doppo Natale, ‘e careche pesante:
sì, certamente, ‘o campo congelato…
Ma c’a Samp l’hanno visto tuttiquanti,
nu primmo tiempo brutto e scumbinato.C’o Pescara, nisciuna differenza.
Fin’al riposo, musce, e inconcludente:
di Insigne e Callejon facimmo senza,
però vencimmo, e nun penzammo a niente.
Ma sabbato c’aspettano al Meazza:
è meglio c’a jucammo tutt’intera,
sta partita, da squadra di gran razza:
altrimenti sarrà na brutta sera.
Il Milan gioca un calcio manovrato,
‘a squadra quacche volta è pure bella:
ma si’ o Napule è attento e concentrato,
‘e manna a monte, ‘e piane di Montella!