E’ bello, ‘o campionato d’e granata!
Fanno punte, campanno alla giornata:
ca però, ce dispiace, nunn’è chesta.
Ogge sultanto nuje facimmo festa!

Mertens se va ‘nfilanno miez’e piere,
e ampresso ampresso stamme tre a zere.
‘A squadra è corta, rapida, e nu sbaglia,
cu chella fascia azzurra ncopp’a maglia
ch’è addeventata mò la sua divisa.

Nun ce sta nient’a fà, caro Sinisa:
ca nuje jucammo in casa, oppure fuori,
nun c’è trippa pe’ gatti, né pe’ tori.
Però (Napule bello, non lo so:
cumm’è, ca ce sta sempe nu però?),
sarrà ‘o vantaggio, ‘o calo di tensione,
vene nu poco de disattenzione.

Azzo, nu poco: te sì accorto che
‘o Torino di gol n’ha fatte tre??
‘A gente, a chestu punto, resta muta.
Cinque a tre: na partita combattuta?

Ma quanno maje, ca fuje na passiggiata!
Al finale, na gara dominata
ca pare na partita ‘e biliardino….
Sulo pe’ chesto, Napule, t’orino!