Coppa Europa: so’ girone
chiene ‘e squadre scalcagnate:
mmiez’a loro, le chiù bone
so’ macedoni o croate…
Bene: l’Inter olandese
ca partette co ‘e pretese,
nunn’è ghiuta assaje luntano:
pur‘o team israeliano
è fernuto annanz’a essa.
“Mò se cagna”, è la promessa:
Pioli, ‘o nuovo allenatore
ce mettette tutt’o core,
ma ll’inizie nun so’ buone:
sei minuti, doje pallone.
Fa San Paolo a San Siro:
“Visto? T’aggio fatto niro:
ccà l’azzurro è sulo ‘o nuosto.
Tu mò tornatenne ‘o posto
che – al momento – te cumpete.
Qua scudetto, qua triplete!”