“D(r)ì(es), quanta gol farraje?”1119
“Tanti, Maurizio: tanti…”
Ecco: chest’è n’esempio
di falso centravanti.
Ma però Sarri ‘o crere…
Mertens, piazzato al centro,
‘a porta nunn’a vere:
dall’area ‘e l’Udinese
stammo sempe luntan,
comme stessemo stese
pe’ coppa a nu Duvan:
Zapata, torna ‘a casa,
e lassa ‘e bianconeri!
Di Insigne simmo fieri:
che tecnica, e che arte!
(‘A n’anno a chesta parte
segna sulo a Delneri…)
Fa doje gol,  mica uno:
è accussì ca se spezza-
nov’anni di digiuno,
di tribboli e di pene
dint’a sta Dacia Arena.
E mò ritorna ‘a Champions:
cercammo e stà vicini.
Miercurì, tutti al campo,
vattimmo all’ucraìni!