Tenimmo a chi nun segna, e a chi nun para.
Stu Napule è un ribotto ca nu spara:
è bello, ten’o calcio lavorato,
ma è tantu tiempo can nun vene ausato…

A nun piglià a nisciuno? Manch’e cane!
Na punta a nuje ce serve comm’o pane,
ma ‘o sanno tuttequante, anch’e bambini:
nunn’è cosa ’e Manolo Gabbiadini.

Ma/nò, nun sarraje maje na primma punta:
al massimo vaje buono comm’aggiunta…
‘E tre nanette, là, so’ troppo sicc:
se fanno vruoccole e salamilik,

ma però pe’ fa gol ce vo’ l’istinto:
ce vo’ quaccuno ca la vott’a rinto!
Maurizio, Aurè, vedite c’ata fa:
chesto fucile adda turnà a sparà!