Tuo figlio te chierette la sua maglia:
nuje t’avimmo cercato la sua testa.
Ma chi vo’ troppo, cierti vote sbaglia:
e infatti, ‘a conclusione nun fuje chesta.

E’ na serata tesa. Rompe il ghiaccio
‘o cuntatto fra Sarri ed il puntero:
‘e doje se so’ strignute in un abbraccio
ca c’è paruto autentico, sincero.

Doppo, ‘a partita. ‘O Napule è tranquillo:
‘o tene, ‘o campo. E’ curto, nunn’arretra.
Nu spara: pognarrà comm’a nu spillo.
Tene tre frecce dint’a la faretra:

so’ Mertens, Callejon e Lorenzinho,
ca nunn’e fanno, cinche metre, in tre:
però so’ buone p’arapì lu scrigno
‘e sta Juve. Buffon, attient’a te!
E niente ce capisce, ‘o portierone:
Edward-Mani di Forbice/Josè,
su imbeccata d’o maggico guaglione
fa na rete ca jesse annanz’o Rre.

Ma primma c’era stat’o contrappasso:
Ghoulam in area aveva svirgolato,
e’a difesa accussì restaje di sasso:
e o Napule, puttroppo, fuje ‘ngu….aiato.

Stu pari, in fondo, a nuje ce fa cuntente:
punte nun ne pigliammo quase maje,
ca ncoppa: ce va sempe malamente.
Ma a stu mumento arrivano l(H)i guai(n):

Ghoulam – semp’isso! – ca respinge fiacco:
sulla palla s’avventarrà ‘o Pipita,
e ‘o tiro sujo fernesce dint’o sacco.
Tuttequante ‘o sapimmo, ch’è finita.

Giudaìn l’argentino nun fa festa,
ma se vere ca ten’o pizzo a riso.
Na sula cosa t’aggia dice, chesta:
comme duorme stanotte, cu stu piso??