A Roberto De Zerbi,
ex giocatore del Napoli,
attuale allenatore del Palermo

Quanno stive cu nuje:
na meza zoza.
Mò c’alleni ‘e picciotti
in maglia rosa,
‘o primmo tiempo
nunn’e fatto male:
ma po’ circaste
‘o colpo eccezionale,
pirciò mettiste in campo
n’attacante.
Na strunzata:
‘o capisti sull’istante.
Al Napoli
nun l’è paruto overo,
e ‘a partita fernesce
tre a zero.
Già tanno
te credive nu campione:
pure mò t’ha futtuto
‘a presunzione,
e pe stu sbaglio
t’ammo fatto niro.
Si’ sempe tu, De Zè:
te saccio piro!