Dopp’o Kiev vene ‘o Chievo.
Ch’era forte, me crerevo:
ma nuje simme megli’e lloro:
e ‘o schifammo, stu pandoro.
Pe’ Manolo Gabbiadini
fuje nu juoco da bambini,
e po’ Marek – so’ cuntento! –
ca facette centro, e ciento.
‘A Juventus (ecchec….!)
o fa mbruoglie, o tene mazzo:
e la Roma di Spallette
c’o Turino s’addurmette.
Nuje, siconne: e stamme buone
(ca sinò saglie ‘a pressione…)
Uocchie apierte, e nervi tesi:
mò ce stanno ‘e portoghesi,
in arrivo da Lisbona.
‘A cuglimmo, st’occasiona?