Benali (o Ben Alì?
Pare  ch’è libico)
ce rialaje
n’inizio  propio  tragico.
Koulibaly è distratto,
troppo statico:
chistu Napule è abulico
e lunatico,
pirciò ‘o siconno gol
è matematico.Napoli bello:
ea essere chiù pratico,
sinò jesce struppiato,
‘all’Adriatico!
Sarri  fa fora a Insigne
e a Gabbiadini:
‘o Napule se mette
‘e polacchini
(Zielinski e Milik),
e Mertens, specialmente
ca cagna la partita dint’a niente.
Vencere? Se puteva,
a stu vintuno ‘e austo:
ma – ‘a verità –
nun fosse stato justo…