Quant  è vero c’amammo chesta maglia,
contr’o Verona, ‘o Napule nu sbaglia!”
Chiù ca na sicurezza, è na speranza:
dopp’e terribbile  dulur’e panza

p’e tre gol ca ce dette l’Udinese,
tutt’a città – è nommale…- sta alla prese
cull’ansia, ‘o nervosismo, e la tensione.
Sette jurnate de fibbrillazzione…

“ ‘A dice ‘o campo, l’urdema parola!”
E al San Paolo ‘o tifoso se cunzola,
pecchè  già l’ha capito dall’inizzio
c’o Napule l’avarria dato sfizzio.

Che prublema ce sta: simme  sinceri,
a mannà in bianco a chilli de  Delneri?
A trasì in area, un gioco da bambini:
e se n’addona pure Gabbiadini,
ca colpisce di testa,  cu’ mestiere,
su na respinta corta d’o purtiere.
Hamsik, un’ira ‘e Dio: chesto slovacco
ca sette juorne fa pareva un pacco,

quanno fà ‘e lance, ‘e pitta c’o penniello,
e nun sapimmo dì qual  è ‘o chiù bello.
Pe nun ce fa venì nu mal’e core,
doppo segnano Insigne, su rigore,

e Callejon, su invito di El Kaddouri.
Per il Verona, so’ mumenti  duri.
Mò c’augurammo sulo ca  San Siro
nun decide ‘e ce fa nu bruttu tiro….

S’adda fa risultato ad ogni costo:
nuje ce tenimmo, ‘a stu siconno posto!