‘O ricco, pure quanno nunn’o chiere,
riceve ogne mumento nu favore.
Chi l’incontra, sorride, appena ‘o vere;
s’o vasa, e po’ l’invita a magnà fore.

‘O ricco, int’a sti case, saje che fa?
L’avessa fa capì: “Miettete scuorno…”,
e invece no: ringrazia, e po’ se sta.
E le succere diece vote ‘o juorno.

Chesto capita: mò so chiù’e cient’anne,
a na squadra assaje ricca di Torino,
e stu fatto produce un grosso danno:
pe li squadre rivale, è nu casino.

‘A giubba a strisce (nera-janca-nera:
ogne partita, sempe, essa s’a mette),
nunn’è chella ca teneno ‘ngalera?
Sì: ma soltanto dint’e barzellette…
Sta dummmeneca, n’atu direttore
‘e gara, un poco troppo riverente
l’ha rialato un calcio di rigore
(nun l’ha dato ‘o Turino: er’evidente…)

Essendo chist’e fatte, pare chiaro
ca nunn’abbasta che ‘a giucà si’ bravo:
‘a sudditanza esiste, è vero, e amaro.
Sul’a Juve po’ dice: “Nun te pavo!”

Napule, vinci ancora, di rimonta,
ccà, contr’e rossoblu di Gasperini.
Ma sta vittoria, dimme: cosa conta?
Nu saciccio: lo sanno anche i bambini!