Battere chesto  Carpi, a Forerotta,
nun fuje na passiata di salute.
L’arbitro e i guardalinee, sti curnute,
se so’ alleate, e c’hanno fatt’a lotta.

A Callejon nun detten’o rigore,
e manc’o gol (mannaggia a San Giusepp):
ma ‘o spagnuolo  ca  pare Johnny Depp
è stato certamente ‘o primm’attore.

Ca so’ state ‘e ghiastemme, oppur’e preci,
l’arbitro doppo s’è riabilitato:
bell’e buono, ammonette uno pe n’ato,
accussì ‘o Carpi rimanette in dieci.
Ce vuò fà ‘e scarpe, Carpi? Nossignore:
nun se po’ trattenè, Koulibaly.
C’o rigore, fernettemo ‘e suffrì:
Higuaìn, c’evitasti ‘o mal’e core.

E mò basta, a parlà ‘ de sta partita.
S’addà aspettà soltanto un pochettino:
sabato jammo a vencere a Torino,
semp’o sogno chiù bello e chesta vita!