LAZIO-NAPOLI 0-2
3-02-16 - categoria Poesie in napoletano 2015-2016E’ na nutizia triste: trist’overo.
Roma, ch’è na magnifica città,
s’adda mettere scuorno: da stasera
“Lazio” fa rima con “inciviltà”.
‘O Napule, e il suo grande Kalidou
fanno nu juoco redditizio e bello,
ma a copp’a curva arrivano sti bu!
da gente ca nun teneno ‘o cervello.
Né laziale, già stiveve ‘nguajate:
mò pur’ a vista pare ca ve manca.
Onazi e Keità, l’ate guardate?
Nisciuno ‘e lloro tene ‘a pelle janca!
E’ pe’ chesto ca stammo tutti I(r)rati:
una cosa accussì nun s’adda fa.
“Chisti fatti nun vanno tollerati:
stateve zitte, o ce fermammo ccà!”
‘E laziale se fermano: nuje no,
e pirciò arriva ‘o settimo siggillo.
Higuaìn segna ancora, comme po’,
e pogne Callejon, comm’a nu spillo.
Stu Napule nun vive alla giornata:
il “Carpi diem” ormai nun c’appartene.
‘A zebra bianconera sta avvisata:
venimmo là pe ve dà chiante e pene!