Buono. Nun se suffrette, ‘a ripartenza:
Natale resta sulo un bel ricordo.
‘E giurnaliste, a dì: “Che sofferenza!”,
ma nunn’è propio overo: i’ nun concordo.

Doppo n’inizio tutto classe e core,
terminato c’o gol-capolavoro,
rummanimmo ‘e padrone d’o vapore.
prova a mettere ‘a capa fora, ‘o Toro,

ma nunn’è cosa, chest’è ‘a verità:
‘o rigore co cui segn’o pareggio
nasce da n’evidente ingenuità
‘e Ghoulam; ca maje facette peggio.

Po’ quaccuno c’o manna,  a magnà pane,
‘o Torino. E cu  chesta, so’ treciento:
comm’agli eroi di Carlo Pisacane,
a Sapri, chillu juorno senza viento.

Marek, sì ‘a luce nosta: sì ‘a speranza.
E’ bello c’a signà si stato tu:
si te ne vaje, ce ven’o mal’e panza.
Resta cu nuje, nun ce lassammo chiù!