FROSINONE-NAPOLI 1-5
10-01-16 - categoria Poesie in napoletano 2015-2016L’Inter primma era primma, e care in volo
colpita d’a sassata d’o Sassuolo.
‘A Lazio, al Franchi, sbronzolea la viola,
ca pure è stata primma, anche da sola.
E’ normale pirciò ca sta chiù avante
‘a squadra c’o percorso chiù costante:
‘o Napule di Sarri, ca fa gioco,
e fa trentotto gol, ca nunn’è poco.
Quase a mità: diciotto, ‘e chiù pesante
l’ha mise a segno ‘o nuosto centravante.
Doppo ogne gol, l’alluccan’e persone:
“Tu sì meglio ‘e nu film, CheGGonzalone!”
Cu Sarri, granne tecnico, al governo,
stu Napule è campione di un inverno
ca pe’ mò nun ce sta (o nun ce sta chiù).Si ‘o prezzo d’e cappotte cade giù,
saglie alle stelle il prezzo di mercato
‘e chistu gruppo ormaje molto affiatato,
ca mettette al tappeto ‘o Frosinone.
E’ overo: è scarsa, ‘a squadra di Stellone,
però la palla nun l’ha manc vista.
Sta Ciociaria fuje terra di conquista!
‘O primato è nu sballo: finchè dura.
Mò sulamente ‘a Juve fa paura,
ma mica ogne partita è na vittoria…
‘O girone ‘e ritorno: n’ata storia?
Nuje crerimmo ca no: ch’è semp’a stessa.
E’ chiù de na speranza: è na prumessa!