Battere l’Atalanta è cosa bona.
E’ bello comme battere ‘o Verona,
ca quanno ce riuscimmo, è nu sollievo.
Nun sulamente l’Hellas: pur’o Chievo!

So’ troppo carugnune, ‘e bergamasche.
Te fann’e trabbochette: e si nce casche,
te può fa veramente molto male.
L’allenatore lloro è eccezzionale,

e a nuje di certo non ci lascia freddi:
‘e cugnome fa Reja, e ‘o nomme è Eddy.
Partono sempe forte, sti mappine.
Pirciò, pe n’o piglià addereto ‘e rine,

suffrimmo. Jamme, ciuccio, stregne ‘e riente:
‘o saje ca chesta è gente malamente…
Gonzalo se la fa, la scorpacciata:
se magna ‘o panettone, e la ca(zz)ata.

Po’ Marek, su rigore, tene ciorta:
sbagli’o tiro, e ‘o pallone arriva in porta.
Già sunnammo n’impresa da corsari,
ma Gomez bell’e buono segn’o pari:

pover’a nuje, è tutto da rifare!
Ma Higuaìn è na boa pe’ miez’o mare:
ncopp’a n’angolo, ‘a sfiora colla testa.
N’offendendo il Natale: chesta, è ‘a festa!

Po  mettimmo al sicuro il risultato.
Mancini sarrà ridicolizzato
da Pioli, ncopp’ o prato d’o Meazza.
E’ na stagione overamente pazza:

ciascheduno po’ dice: “I’ mò ce provo…”
Buon Natale, e un magnifico Anno Nuovo!