Nun saccio si ‘o sapite, chesto nomme:
Acrostico. E’ nu termine speciale
Pe se signà, e mò vedite comme,
Ogne penziero, in senso verticale.
L’incontro d’o San Paolo parte adesso:
Inter decisa, Napule contratto.
I’ o saccio buono: ccà nisciuno è fesso,
Nisciun o po’ smentì, però è nu fatto:
Tremmammo. Chesta sfida è decisiva.
E accussì, dopp’o gol del Gran Gonzalo,
Resta bloccata, ‘a squadra: sembra priva
De carica: l’arraggia pare in calo.
Unnece contro diece (oi Nagatò…),
E la partita piglia la discesa:
Avanti,  azzurri, è fatta! E invece no:
Un’Inter meza morta s’è ripresa.
Non del tutto….St’acrostico è fernuto:
O capolista nova, te saluto!