GENOA-NAPOLI 0-0
2-11-15 - categoria Poesie in napoletano 2015-2016Nuje simmo ciucce: ciucce, no somari.
Pure si jammo annanze all’arma bianca,
‘a Genova turnammo cu nu pari.
Ma è sulamente ‘a rete, ca ce manca?
“Tengo paura – dice un conoscente
-n’ommo saggio, cà nterra Margellina –
troppe tire sbagliate: niente niente
stessemo già fernenno la benzina?”
Stu pareggio c’annacqua la frischezza,
ce fa accapì ch’e rischie songo tante.
‘O tiempo, ca ce leva ‘a brillantezza:
‘o vierno, ch’e terrrene chiù pesante,
e nun fernesce cà: cali di forma,
possibbili infortuni (arrassusia!):
‘e brutte cose ce sta na chiorma.
Levammuncelle ‘a capa, oi mamma mia!
E si invece penzammo positivo?
Facimmoce nu bagno di umiltà:
stu pareggio accussì nunn’è cattivo,
pecchè ce dice ch’e difficultà
ce stanno: ca so’ pane quotidiano,
e nunn’avimmo avè troppe pretese.
‘O tifoso pirciò desse na mano:
tutti allo stadio contro l’Udinese!