Chi diceva: stu Napule s’ammoscia,
perd‘a cuncentrazzione dopp’a sosta,
le venesse nu crampo int’a na coscia:
l’ha avut’aierassera, la risposta.

E’ na risposta semplice e sincera:
fra chelle ca incontrajemo fin’adesso,
sulo sta Fiorentina è squadra vera.
E pirciò vale assaje, chesto successo.

‘O Napule all’inizio sta cuntratte:
‘a viola ncopp’o campo è ben disposta,
e cerca cu pacienzia ’e varche adatte
pe ce fà male. Nuje aspettamm’a sosta:

po’ partimmo sparate, a ciento all’ora,
piglianno in mano ‘e redine d’o gioco.
Hamsik – (quanta palle ca lavora!) –
manda in porta a Lorenzo. Dura poco

‘a gioia nosta.  Kalinic, ‘o croato,
colpisce a perfezzione coll’esterno,
e il nostro Pepe Reina è fregato.
Kouly ed Albiol: doje statue de piperno.

Pare fernuta ccà: ma nun fernesce
‘a squadra nosta, ‘e correre all’attacco:
poche minute ancora, e le riesce
‘e fà alla Fiorentina un grande pacco.

Facennoce vedè ch’è nu campione
(mò pressa, torna: nun ve pare strano?),
Higuaìn se cunquista nu pallone
e batte a chillu là: Tatarusano.

“Mò ca currimmo con il vento in poppa,
nun c’esaltammo!”: la canzone è chesta.
Ma ‘a passione, guagliò, nunn’è maje troppa:
si nun festeggie mò, quanno faje festa?