‘O calcio tene loggica,
è comm’a n’equazione:
nun ce sta nient’e magico,
nunn’è improvvisazione.

Si ‘a Lazio è ghiuta sotto,
‘o può capì tu sulo:
nun fuje nu terno al lotto,
manco na bott’ e culo.

Nu gesso, na lavagna:
scrive “quatto-tre-tre”,
e – ‘o vire!- tutto cagna:
è scienza, sient’a me.

Jorgì, ch’e cumbinato?
Nu juorno non lontano
parive nu sbandato:
mò sì nu brasiliano…

Ed Allan: “Finalmente!,
visto ca sai jucà?
(chesto alluccava ‘a gente),
tu ce faje cunzulà…”

Gonzà, chell’olandese
te l’e fummato ‘e brutto:
tiri, scatti discese.
E nunn’è ancora tutto:

oi nì, sì frisco e tuosto
(“oi niro”, pe’ capì):
tu sì ‘o Nerone nuosto,
l’aggio cu te, Kouly…

Pe te, Sarri, so’ risa:
ma nun te lusingà.
Ce scummett’a cammisa:
dimane cagnarrà…