Empoli e Napoli, doje squadre sdrucciole.
Già se sentono in giro cose ignobbile:
sta pe cagnà l’allenatore, ‘o Napule,
Sarri a Natale nun s’e magna, ‘e struffole…

E’ na cosa bellissima, l’attesa:
na manera pe’ dicere “speranza”.
Basta ca nun fà rima cu “pretesa”:
dint’a stu caso, so’ dulur’e panza.

‘E viecchie, in forma nun ce stanno ancora,
e ‘o nuovo nunn’arriva a s’ambientà:
sono un cantiere, un gruppo ca lavora,
e nuje l’amma dà ‘o tiempo e se ‘mparà.
Si Valdifiori fusse sulo chesto,
l’avessem’accettà, ca s’è sbagliato:
ma p’o dicere è ancora troppo presto.
E Allan? Pure chillo sta nguajato:

ha fatto peggio del peggior Gargano,
ad Empoli ha jucato na munnezza.
Però mica è un pippone sovrumano:
l’anno passato jeva na bellezza…

Fuje certamante loffia, sta partenza,
ma era previsto: se sapeva già.
‘O tifoso le scappa la pacienzia?
Pure chesta nunn’è na nuvità…