Perlomeno, a Torino, pe mezora
pare c’a squadra nosta esiste ancora:
ma nunn’abbasta, a fare risultato.
‘O verdetto finale è rimandato:
si pareggia c’a Roma, chesta Lazio
arriva terza, e nuje pavammo dazio.
Ma ‘a Roma vence, ed è siconna certa:
‘a quistione accussì remmane aperta.Forza Napoli! E’ l’urdema jurnata
‘e na stagione brutta e disgraziata,
overo poco azzurra, e troppo griggia.
Benitez già l’ha fatta, la valiggia,
e ce vulesse salutà c’o botto.
Guagliò: si ce l’avite, ‘e ….. ‘a sotto,
è arrivato ‘o mumento d’e caccià.
Napule, jamme, in Coppa jamme jà!