Simme asciute propio  male
dalla coppa nazionale:
chistu Napule è na sòla,
e la viola chiù nun vola.
‘O ritiro, brutto tiro:
se sentette preso in giro
‘o padrone,  DeLaurente,
nuosto amato Presidente,
ca dicette: “Ascite arinto!
Doppo, quanno avite vinto
ne putimmo riparlà…”
Quanno maje! Nienterafà:
“ ‘ O ritiro nun ritiro!
Vogli’a Coppa: a chella , i’ miro!”
‘A partita fuje carina.Propio scarsa, ‘a Fiorentina:
centrocampo manovriero,
ma in attacco quase zero.
Tira cauce, stu Salah,
ma pe ll’aria: nun ci’a fà…
Segna ‘o belga: e – poverino! –
segna pure l’argentino,
ma nu giudice d’a porta
-stu cecato ‘e malamorta –
dice no: ca nunn’è entrata.
Vatt’a fà na cammenata….
E vabbuò: lassammo stà.
Ce sta spazio a volontà:
segna Marek, po’ Josè,
e le  reti mò so tre.
Sona l’ora d’o destino:
‘a città d’o maggiolino
‘a Germania, già c’aspetta.
Nuje ce jammo: senza fretta.
Pè sazzià sta granna  lopa
mò ce sta sulo l’Europa!

Valid XHTML 1.0 Transitional Valid CSS!