Mò se vence. Ma forse è troppo tardi
pe sorpassà in volata ‘a Lazio e ‘a Roma;
ma almeno simm’asciute ‘a chillu coma
ca ce custaje miliune: anzi, miliardi.

Primma avimmo distrutto ‘o maggiolino:
‘o Wolfsburg. Doppo, Zeman ‘o boemo.
E mò Napule mio, si nun sì scemo,
l’avissa fà, chest’atu passettino.

Sta dummeneca arrive tu, Sinisa.
Se dice ca sei il nuovo allenatore:
e nuje te cunsignammo chistu core,
vulimmo sta cu te culo e cammisa.

Pe stu passo me pare ca sì pronto:
però Sinì, nun fà tropp’o prezioso.
Pigliate na jurnata de riposo:
tu Miha ce vulesse fà n’affronto??