E’ overo: è colpa e chilli doje cretini
c’hanno salvato ncopp’a linea janca:
primma Denis, e doppo Cigarini.
Ed è vero c’ gente nun se stanca
‘e criticà chest’arbitro cecato
ca nun vedette ‘o fallo di Pinilla,
e pe chesto mutivo c’ha nguaiato:
nu zarro ch’è na vera meraviglia.

Tutto vero, gnorsì. Ma st’Atalanta,
ch’è stata in dieci pe nu tempo intero,
nuje l’avevama fa nu m…. tanto,
senz ‘e ce trascinà stu zero a zero.
Invece no: attaccammo, ma educate,
senza nu poc’e raggia: ‘ e cattiveria.
Elegante, vabbuò, ma distaccate:
“stamme pazzianne, nunn’è cosa seria…”

Né Benitez, hidalgo della Spagna!
Te ricuorde c’aiere, int’o passato,
tu parive nu prevete ‘e campagna:
furbacchione, sfiziuso, equilibbrato?

Ma mò  ca t’anno fatto quacche tuorto,
pe chi nun te supporta, sì nu spasso:
affanne, gire ll’uocchie, guarde stuorto.
Maronna, comme si’ caruto in basso!