Napule, te penzave  chesta sera
e te piglià ‘e tre punte d’o Barbera;
e invece fuje Dybala, ch’e cumpagne,
che al finale vevetten’o sciampagne.
Già primm’e cumbinà chellu casino
l’azzurro, comm’o santo, va lentino:
tene palla, però, mannaggiamorta,
facesse nu sf…… ‘e tiro in porta!
Né Rafè: ma c’accocchie, santiddio?Si in porta, ‘o posto tuje, me truvav’io,
restava semp’o stesso, ‘o risultato.
Pe’ dicere: guagliò, tu staje ‘nguaiato,
e nuje cu te. Ma doppo st’incidente
in campo cuntinuammo a nun fà niente,
e accussì ne pigliammo n’ato ancora.
Alla fine ce manca quase n’ora,
ma nun succere niente de diverzo:
e chiù tarde pigliammo pur’o terzo.
Ragazzi, mò v’o dico  addò sta ‘o sbaglio!
Maje n’accelerazione, maje nu taglio:
tutt’a partita, manco n’invenzione
ca purtasse n’azzurro c’o pallone
in area, faccia a faccia c’o purtiere.
Insomma: propio niente da vedere
p’e tifose arrivate fin quaggiù.
Benitez, vien’accà: spiegala tu
‘a gente, sta partita scumbinata
ca c’ha schiattato a tutti na serata
dedicata alla coppia, ed all’ammore.
Napule, ce tradiste: cu qua core?