‘A speranza ce vò: nunn’è maje troppa,
ma d’e primme minute s’è capito
ca stasera nunn’era comm’a Coppa.
Stu Napule è nu poco rimbambito:

sarrà p’o fatt’e Pino, e p’e canzone
cummuvente, c’o pubblico ha cantato,
ma il Napoli è nu ciuccio miez’e suone.
E chesto ce dispiace, è nu peccato:

na Juve accussì male cumbinata
(jocano male Tevez, e Pogba)
c’avimmo visto dint’a sta serata
chiossape quanno ce capitarrà.

L’attacco lloro nun cunchiure  niente:
Llorente nun saje manco si ce stà.
‘O nuosto? Nu se vere, e nun se sente:
Higuaìn, te saje sulo appiccecà!

Segna Pogba, po’ Britos. Stamm  pari.
Mò ce vulesse ‘o pucurill’e fuoco,
e invece arrivano ‘e mument’ amari.
Caceres segnarrà: ma in fuorigioco.

E’ stupido alluccà pe’ chest’errore:
ma che t’incazz’a fà, né Presidente?
Si nun tenimm chiù cosce, né core,
l’arbitro nun c’azzecca proprio niente.

Ma l’immaggine ‘e Doha sta ancora là.
Pure tanno parevemo scunfitte,
e invece se riuscette a pariggià.
Jamme: ca c’a facimme, zitttezitte….

Gonzalo fa na cosa da campione
(l’unica, ma tu ‘o ssaje, tene mestiere):
pure Duvan c’avesse l’occasione,
ma se votta ‘a Zapata ncopp’e piere.

E po’ a Juve Vidal’urdema bottca,
guagliò. Pe’ chesta vota è ghiuta male.
Nu penziero affettuoso pe’ Marotta:
putisse ruciulià pe’ tutt’e scale!

Valid XHTML 1.0 Transitional Valid CSS!