Higuaìn, sì nu fulmine: na biscia.
‘E fatto fesso a Radu, ed a Berisha:
stive stuorto, e sparaste chella botta!
‘A Lazio s’è menata a capa sotta:
teneva palla, e macinava gioco,
però in porta ‘a tirato troppo poco.
E’ overo, le mancava tanta gente,
ma chesto a nuje nun ce ne fotte niente.
Strinic: nu bell’esordio, p’o croato,
ce vale, chello che l’ammo pavato.
‘O riesto, senza infamia e senza lode.
Tra doje ca fann’a botte, ‘o terzo gode:
e mò a godè è ‘a Samp e chillu tuosto
(Sinisa); cià raggiunto ‘o terzo posto.
Pe mò sta posizione ce po’ stà:
ce sta n’atu girone da giocà…