Quaccuno – ce chierimmo: cu qua core! –
‘o facette scattà, l’interruttore:
ma ‘o core tujo pe sempe sbattarrà
dint’a chillo, immortale, ‘ e sta città.

Pino, da mò: è poco, ma è sicuro,
nun ce pruvate, a dicere ca no,
d’o presente trasiste int’o futuro:
cu Eduardo, cu Troisi, e cu Totò.

Dopp’o silenzio, triste, e nu minuto,
so’ nuvanta minute de rummore:
doppo mezora arriva ‘o primm’acuto,
e po’ o siconno: nu capolavore.

Hamsik, stavota è certo, sta in ripresa:
c‘o dimostra chell’assit pe’ Gonzalo.
E pur’a sciorta s’è nu poco arresa:
senza Capelli, tu pigliave ‘o palo…

Cresce Rafael: va buono anche Josè
Callejon, scarsulillo, ultimamente.
E pure Maggio, ca ce fa verè
ca nunn’è o vero ca nun va chiù niente.

Mò però remanimmo cuncentrate!
A vote s’anno mettere alla gogna,
l’azzurre. Si so’ troppo rilassate,
‘a Juve n’apprufitta (sta carogna…)