Si propio nun si canchero ‘e sfruttà
‘a tecnica migliore ed il palleggio,
Napule: l’e capito che ‘o pareggio
è ‘o mmeglio ca putesse  capità?

E’ nu copione classico, chest’anno:
suffrimmo ‘e mmane ncuollo, e ‘o pressing alto.
Tenessemo bisogno ‘e fa nu salto,
ma in campo ‘e jucature nunn’o fanno.

A centrocampo comme s’adda fà?
Hamsik partette, ma nunn’è turnato,
e ‘a difesa sta sempe in uno stato
ca è meglio a ce sta zitte, e nun parlà.
‘A partita comunque è equilibbrata,
finacchè arriva Eder, ca piglia ‘a mira:
sta miezo a quatt’e nuje, ma pure tira…
Ecco: l ‘avimmo fatta, sta frittata.

Prestazione al di sotto della media?
Chi sostiene stu fatto, nunn’è onesto,
pecchè ‘o livello nuosto è propio chesto.
Zapata, c’ e scanzato na tragedia!