‘E cazzimma se parla dapertutto,
pure in televisione: Cannavaro
e TV-Talk. Però, cu qua custrutto?
Ch’edè chesta cazzimma, nunn’è chiaro.

Si nun sì nato ‘o Vasto o ‘a Vicaria,
e dell’usanze ‘e ccà nun ne saje tante,
“cazzimma” è comme fosse  “strateggia”:
ma però chiù annascusa, chiù birbante,

ca se move pe’ sotto, e po’ te frega,
cammenanno p’e strade ‘e sta città:
ogne napulitano è nu “stradega”.
Chest’è ‘a cazzimma: l’arte ‘e s’arrangià.

E quanno pure sì nu tipo nzisto
te fà, ‘a cazzimma, dint’a nu mumento:
pecchè essa te fa credere ch’e visto,
e invece nunn’e visto ‘o riest’e niente.

E’ cazzimma l’incontro c’Atalanta
‘e quatto juorne fa. Napule lento,
ca fatica n’ha fatta tanta e tanta,
e dint all’area c’è trasuto a stiento.

E’ cazzimma ‘o San Paolo non strapieno:
ogge simme sultanto trentamila.
“Il tifoso oramai ci crede meno,
alla sua squadra: e non si mette in fila

per venire a vedere la partita”.
Penza chesto, Garcia, ch’e giallorossi:
“Visto che qua siamo venuti in gita,
facciamo riposare anche De Rossi…”

E’ cazzimma la stampa cittadina,
ca scrive sulo ‘e fatte non sportive:
‘e giurnale (l’incontro s’avvicina)
‘e discorsi calcistici so’ prive.

E’ cazzimma – ‘a vediste? – la partenza:
‘o Napule, alle quinnece dell’uno
‘e nuvembre, l’assalta, ‘a diligenza,
e prigioniere nun ne fa nisciuno!

Essa da tantu tiempo abbeta ccà.