Ma qua sfurtuna: chest’è malaciorta.
Nunn’è passato manco nu  minuto
c’o Verona, ‘a luntano, trov ‘a porta.
Vabbuò. Napule bello, si’ futtuto…

E invece no: la squadra stregne ‘e riente,
anzi, mozzeca:  tutta n’ata cosa.
‘E manovre so’ rapide, e nu lente:
‘a squadra vò luttà, nun s’arreposa.

Pariggiammo, e po’ jammo anche in vantaggio
cu n’atu gol ‘e Marek: ‘o slovacco.
Funziona pure chella zuppa ‘e Maggio…
E’fatta? No: ‘o Verona ce fa ‘o pacco.
Cuntinua  stu calvario senza fine:
sul campo, sono tropp’e difensore
ca jocano alle belle statuine.
Dint’e cazette, se n’è sciso ‘o core….

Chi dice: “Basta: Napule, sì muorto:
pur’ogge l’è pigliato,  st’atu palo”,
tene ragione…E invece tene tuorto:
‘a dint’a tomba è asciuto isso: Gonzalo!

Tre gol, ‘e primme e chistu campionato:
Higuaìn, assafà!, tugliste ‘o tappo
ca te teneva ‘nchiuso, imbottigliato.
Mo’ va annanz’accussì: spavaldo e guappo!

‘E rigiucà nuje nun vedimmo l’ora:
‘e m….ne spalajemo tant’e tanta…
Tu passarraje nu brutto quarto d’ora;
stammo già là. Nascunnete, Atalanta!

Valid XHTML 1.0 Transitional Valid CSS!