Né, ma cumm’è ch’è sempe chistu Chievo
(pirciò, Verona: casa della Lega,
gente ca s’è fermat’o Medioevo)
‘a squadra ca ce vatte, e ca ce frega?

Ma chest’è. Doppo chiù de n’occasione
arriva lo svarione difensivo,
e nuje, plof! c’a facimmo int’o cazone.
‘O primmo tiempo, ‘o Napule è ben vivo:

è veloce e ficcante, sembra in palla.
Pare ca joca buono pure Maggio…
Nuje stamme in gins, ‘o Chievo in maglia gialla,
ca se difenne, un’anem’e curaggio.

Po’ ‘o rigore sbagliato d’o Pipita.
‘A stu mumento, ‘e cose vanno male:
‘a squadra s’è sbandata, disunita.
‘A ripresa, nu chianto generale. Segnarrà Maxi Lopez, ‘o biondone,
chiù noto pe l’appicceco cu Icardi
ca p’e gol ca signava in progressione.
Ce stesse, ‘o tiempo: e invece sarrà tardi

pe fà ‘a rimonta. E mò, chistu scudetto?
Benitez, ammesurate ‘e parole,
oppure te pigliammo (t’o prumetto)
a cavece, addò nun ce batte ‘o sole!