Finezze, malatie, tiri e passaggi,
comme na partitella ncopp’a spiaggia:
tutto pe’ diecimila pare d’uocchie,
pe mò sulo criature, e non ultras,
venute a se piglià nu poc’e spass.

‘O circo d’o pallone ce saluta:
nuje simme terze, e avimmo vint’a Coppa.
‘E gol se ne so’ fatte chiù de ciento:
ogneduno pirciò po’ stà cuntento.
Asfaltata sta squadra ‘e zappature,
e Mandorlini, ch’è chiù peggio ancora.
Martens vene da Marte, e tene l’arte-
teca. Ma che ce tene stu Zapata,
‘o Ciclope e nu Napule in serata!
‘A squadra mò se ferma pe nu poco…
Dopp’e mundiale ce mettimmo in pari.
Ammore e Champions song’o stesso gioco:
tutto accummencia ch’e preliminari!