NAPOLI-CAGLIARI 3-0
8-05-14 - categoria Poesie in napoletano 2013-2014‘O Cagliari è tranquillo da na vita:
nuje nu poco cuntente, e un poco no.
Facile immagginà ca sta partita
nun sarrà di sicuro commilfò.
Doppo nu gir’e campo muoll muoll
c’a Coppa ca ce jettemo a piglià,
rigore: e ampresso ampresso arriva ‘o gol
(Pandev s’o riuscette a procurà).
L’isolane so’ troppo rilassate,
nun pareno venute a fà sfracelli.
Nu pucurillo chiù determinate
nuje: le vulimmo fa Ibarbo e capelli…
Pur’Hamsik ha signato? Nonsignore!
Piglia ‘a rincorsa, e pure la traversa:
fernesce là, il suo calcio di rigore.
E’ nu peccato, n’occasiona persa…
C’o Verona se joca a porte chiuse.
Ma tanto già s’è chiuso, ‘o campiunato…
L’anno ca vene, Rafa, niente scuse,
o sinò sai cherè? Chiammammo a n’ato!